Wait for pictures to download, click ">" for next picture, "<" for previous picture or wait for pictures to play in slideshow.

Iltimase dua.

Some sayings of Imam Ridha (as)

Salawat of Imam Ridha (as) 

Imam Ridha alaihisalam nashid (english subtitles)

Urdu Poetry - 11th Dhil Qad - Birth Anniversary of Imam Al Rida (as).

Manzar bahot haseen fiza khushnuma hai aaj,

Lagta hai mere shaher me jashne REZA hai aaj,

Faili hui hai zikre REZA ki haseen dhup,

Nasli Adawto ka badan jal raha hai aaj,

Daftar khule hue hai sanae imam ke,

Batil ki darsgaah me taala pada hai aaj,

Masroof tha ziyarate jashne imam me,

Suraj ko dubne ka bahot dukh hua hai aaj...

Har nafas har ghadi, mere dil se yahi
aa rahi hai sadaa..
Ya imam e raza, ya imam raza

Kazim (a) k Noor e Ain ki Midhat ka Roz hai,
Tajleel hai Urooj e Mawaddat ka Roz hai,

Saa'at hai Mehfilo'n ki Sa'adat ka Roz hai,
Sultan e Arz e Toos ki Nazlat ka Roz hai,

Lab par har ik Mohib k Sukhan Marhaba ka hai,
Naazil huwe Reza (a) ye Karam Kibriya (s) ka hai...

Surat-e-Hyder-e-Karrar meray Maula Raza a.s

Sari duniya kay madadgar meray Maula Raza a.s
Aap ki midhat ki zaminon per ziyarat ker kay
Ban gaya mein bhi zamindar meray Maula Raza

Kisi bhi daur k firaoon se nahi darte.

Jo sar pe teri gulami ka taj rakhte hain.
Teri ata ka ye ejaaz hai raza e gareeb (a.s)
Tere faqeer bhi shahi mizaaj rakhte hain.

Manqabat: Ya Imam e Raza- Mir hasan Mir

Ya Imam e Raza....x4
Ya Imam e Raza....x3

Har nafas har ghadi mere dil se yahi arahi hai sada
Ya Imam e Raza....x3

Teri azmat pe bhala kyu na dalalat banta
Sher qaalin ka kistarha na zinda hota
Hai haqiqat yahi
Teri marzi me hi
Hai khuda ki Raza
Ya Imam e Raza....x6

Ghair mumkin ko yu hote hue dekha mumkin
Jaagti aankho se jannat me guzare kai din
Usko kya ho yaqee'n
Jisne dekha nahi
Kabhi rauza tera
Ya Imam e Raza....x6

Waqt kaisa yeh mere zehen me aya hai abhi
Jaise gehware ne fitrus ko shifa baati thi
Waise hi rozo shab
Baat ta hai shifa
Tera sehne shifa
Ya Imam e Raza....x6

Ab ki mash'had se jo palta hu to mere mohsin
Saans lena mujhe achha nahi lagta lekin
Phir bhi hai ye suku'n
Mai kahi bhi rahu
Dil wahi hai mera
Ya Imam e Raza....x6

Kaise samjhega zamana tere naukar ki hadei'n
Tere maaruf ne baandhi hai samandar ki hadei
Badhte toofaan ka
Rukh badalta gaya
Usne jab di sada
Ya Imam e Raza....x6

Waqt kaisa yeh mere zehen me aya hai abhi
Jaise gehware ne fitrus ko shifa baa'nti thi
Waise hi rozo shab
Baat ta hai shifa
Tera sehne shifa
Ya Imam e Raza....x6

Punchne haal nakirain jab aaye mera
Maine dohraya jawaban jo qasida tera
Wujd me aake phir
Wo bhi kehne lage
Mai bhi kehne laga
Ya Imam e Raza...x6
Ya sari ar Reza.....x6

Ya Imam e Raza...
Meri iswaqt tere dar pe nazar hai maula
Aur tujhe meri musibat ki khabar hai maula
Dur uftaad kar
Meri imdaad kar
Tu hai mushkil kusha
Ya sari ar Reza.....x3
Ya Imam e Raza...

Ilteja aapse karta hu Imam e hashtum
Unke sadqe me jinhe kehte hai Masooma e Qum
Jo pareshan hai
Jald kar dijiye
Uski haajat rawa
Ya Sari ar Reza.....x3
Ya Imam e Raza...

Jeete jee jaan se apni mai guzar jaunga
Jald mash'had na bulaoge to marjaunga
Ai Imam e Ghareeb
Tum ho mere tabeeb
Jald kardo dawa
Ya Sari ar Reza.....x3
Ya Imam e Raza...

Apne is MIR ko anmol banade Maula
Mujhko is daur ka behlol banade Maula
Mai azaadar hu
Kafsh bardaar hu
Tere khuddaam ka
Ya Imam e Raza...x6

Qur'anic verses and hadiths of Ahl al-Bayt (peace be upon them) and sayings in Arabic, Persian and English.

 https://eitaa.com/noorunalanoor

t.me/noorunalanoor110

https://youtube.com/@mustafaabbas4668?si=EnSIkaIECMiOmarE

Save